Корея Республикаси  U17 терма жамоаси бош мураббийи: Ўзбекистон тактик жиҳатдан кучли рақиб

Корея Республикаси  ўсмирлар терма жамоаси бош мураббийи Бюн Сунг Ҳван Осиё кубоги саралаш босқичи ўйинларидан олдин ташкил этилган матбуот анжуманида иштирок этди:

Саралаш босқичидаги иштирок ҳақида
— Аввало меҳмондўстлик учун Ўзбекистонга миннатдорчилик билдирамиз. Бизни жуда ҳам яхши кутиб олишди. Бу босқичда жамоамиз билан энг яхши ўйинларимизни кўрсатамиз, деб ўйлайман.

Ўзбекистонга қарши ўйин ҳақида
— Ўзбекистон тактик жиҳатдан кучли жамоа. Биз бу жамоани ўргандик. Жамоада яхши футболчилар бор. Мазкур босқичда бизни асосий рақибимиз ҳам айнан Ўзбекистон ҳисобланади.

Жамоа бу босқичгача қандай йиғинлар ўтказгани ҳақида
— Биз асосий эътиборимизни Осиё кубогига қаратилгандик. Етарлича тайёрландик, деб ўйлайман. Саралаш босқичидан кейин Осиё кубоги финал босқичи учрашувларига тайёргарликни давом эттирамиз, деган умиддаман.